როგორც მოგეხსენებათ, 2021 წელს ახალგაზრდა ინგლისელმა ფეხბურთელმა, ტამი აბრაჰამმა “ჩელსი” დატოვა და იტალიურ “რომას” შეუერთდა.

გავლენიანი გამოცემა, Sky Sport Italia-ს მიერ გავრცელებული ინფორმაციის თანახმად, “ჩელსიმ” 2021 წელს კონტრაქტში ჩადო პუნქტი, რის მიხედვითაც “არისტოკრატებს” ფეხბურთელის 68 მილიონ ევროდ დაბრუნების უფლება ექნებოდათ.

ამავე წყაროს ცნობით, ლონდონელები მზად არიან, რომ ეს შესაძლებლობა გამოიყენონ და აბრაჰამი ბრიტანეთის დედაქალაქში დააბრუნონ.

ცნობისთვის, ტამიმ მიმდინარე სეზონში ჩატარებულ 38 შეხვედრაში 7 გოლი გაიტანა და 5 საგოლე გადაცემა შეასრულა.